Шангуудта хүртэһэн буряадай түлөөлэгшэд сооһоо Ахын аймагай Амгалана Гармаевае онсолмоор. Юуб гэхэдэ, аяар холын Монголой Хэнтэйн аймагай Дадал һомондо болоһон «Алтаргана-2014» нааданда үльгэршэдэй мүрысөөндэ хүрэл медаль тэрэ абаһан байна. Һонин гэхэдэ, Амгалана сентябриин 1-дэ оройдоол 4-дэхи класста һуража эхилхэ ха юм.
— Би үльгэр хоёрдохи классһаа түүрээдэгби. Тэрээниие сээжэлдэхэдэ хүнгэн бэшэ, — гээд багахан Амгалана хөөрэнэ.
«Аламжа мэргэн хүбүүн Агуу гоохон хоёрой гараһан түрэһэн тухай» гэһэн түрүүшынгээ үльгэр сээжэлдэжэ, хүн зоной урда тайзан дээрэ гараад түрүүшын дүрбэлжэн мүрнүүдые мартажархиһанаа Амгалана энеэбхилэн һанамжална. «Гэнтэ өөрөө зохёогоод хэлэжэрхёо һэм», — гээд үльгэршэн нэмээнэ.
Буряад хэлэнэй багша Надежда Владимировна Доржиева бэрхэ басаганда үльгэр дурадхана. Харин Долгор Жамьяновна Батожапова морин хуур дээрэ наадажа, Амгалана Гармаевагай үльгэр түүрээхэдэ бүри һонирхолтой болгоно.
«Алтарганын» фестивальда абаһан хүрэл медалиинь анха түрүүшынь медаль болоно. Харин хүндэлэлэй тэмдэгүүд, грамотанууд Амгалана олоор абаһан байна. Юуб гэхэдэ, тэрэ ганса үльгэр хэлээд ябадаггүй, хатарха, дуулаха дуратай, гоёор зурадаг юм.
— Мүнөө хари гүрэндэ түрүүшынхиеэ ошооб. Харин Россин хото городуудаар яһала ябааб. Үнгэрһэн үбэл Сочи хотоор ябажа ерээбди. Манай «Эдельвейс» ансамбль «Зимняя ривьера» гэһэн уласхоорондын фестивальда хабаадаабди, — гэжэ «Эдэльвейс» ансамблиин гол хатаршан хөөрэнэ.
Баһа Хара далай дээрэ байдаг Анапа хотодо бүхэроссиин эрдэмэй-практическа конференцидэ хабаадажа, талаантай басаган гурбадахи шангай һуурии эзэлээ. Амгалана тэндэ Аха нютаг тухай болон уг гарбалаа хөөрэжэ үгэһэн байна.
Үшөө тиихэдэ һайханаар магтаалнуудые хэлэжэ, аймагай конкурсдо мүн лэ грамота абаа. Зураха дуратай басаган өөрынгөө бүтээл Улаан-Үдэдэ болодог конкурсдо эльгээжэ, грамотаар урмашуулагдаа.
Монгол ороноор ябажа байхадань, манай «Буряад үнэн» гэһэн Хэблэлэй байшанай эмхидхэһэн конкурсдо Амгалана Гармаева шангай һуурида гараба гэжэ жюриин гэшүүд дүн гаргаа.
«Иимэ олон юумэ хэжэ ябахадашни һайшаалтай байна, харин ши наадажа үрдидэг гүш?» гэжэ минии асуудалда «үрдидэг, олон һонирхолтой наадануудые мэдэдэгби, үетэн нүхэдөөрөө адли наадалсажа ябахаш» гэжэ бэлигтэй Ахын аймагай басаган харюусана.
Борис БАЛДАНОВ, авторай фотозураг.
— Би үльгэр хоёрдохи классһаа түүрээдэгби. Тэрээниие сээжэлдэхэдэ хүнгэн бэшэ, — гээд багахан Амгалана хөөрэнэ.
«Аламжа мэргэн хүбүүн Агуу гоохон хоёрой гараһан түрэһэн тухай» гэһэн түрүүшынгээ үльгэр сээжэлдэжэ, хүн зоной урда тайзан дээрэ гараад түрүүшын дүрбэлжэн мүрнүүдые мартажархиһанаа Амгалана энеэбхилэн һанамжална. «Гэнтэ өөрөө зохёогоод хэлэжэрхёо һэм», — гээд үльгэршэн нэмээнэ.
Буряад хэлэнэй багша Надежда Владимировна Доржиева бэрхэ басаганда үльгэр дурадхана. Харин Долгор Жамьяновна Батожапова морин хуур дээрэ наадажа, Амгалана Гармаевагай үльгэр түүрээхэдэ бүри һонирхолтой болгоно.
«Алтарганын» фестивальда абаһан хүрэл медалиинь анха түрүүшынь медаль болоно. Харин хүндэлэлэй тэмдэгүүд, грамотанууд Амгалана олоор абаһан байна. Юуб гэхэдэ, тэрэ ганса үльгэр хэлээд ябадаггүй, хатарха, дуулаха дуратай, гоёор зурадаг юм.
— Мүнөө хари гүрэндэ түрүүшынхиеэ ошооб. Харин Россин хото городуудаар яһала ябааб. Үнгэрһэн үбэл Сочи хотоор ябажа ерээбди. Манай «Эдельвейс» ансамбль «Зимняя ривьера» гэһэн уласхоорондын фестивальда хабаадаабди, — гэжэ «Эдэльвейс» ансамблиин гол хатаршан хөөрэнэ.
Баһа Хара далай дээрэ байдаг Анапа хотодо бүхэроссиин эрдэмэй-практическа конференцидэ хабаадажа, талаантай басаган гурбадахи шангай һуурии эзэлээ. Амгалана тэндэ Аха нютаг тухай болон уг гарбалаа хөөрэжэ үгэһэн байна.
Үшөө тиихэдэ һайханаар магтаалнуудые хэлэжэ, аймагай конкурсдо мүн лэ грамота абаа. Зураха дуратай басаган өөрынгөө бүтээл Улаан-Үдэдэ болодог конкурсдо эльгээжэ, грамотаар урмашуулагдаа.
Монгол ороноор ябажа байхадань, манай «Буряад үнэн» гэһэн Хэблэлэй байшанай эмхидхэһэн конкурсдо Амгалана Гармаева шангай һуурида гараба гэжэ жюриин гэшүүд дүн гаргаа.
«Иимэ олон юумэ хэжэ ябахадашни һайшаалтай байна, харин ши наадажа үрдидэг гүш?» гэжэ минии асуудалда «үрдидэг, олон һонирхолтой наадануудые мэдэдэгби, үетэн нүхэдөөрөө адли наадалсажа ябахаш» гэжэ бэлигтэй Ахын аймагай басаган харюусана.
Борис БАЛДАНОВ, авторай фотозураг.