«Алтаргана-2014» нааданай уран зохёошодой хоорондо шүлэг бэшэгшэд мүрысэһэн байна. Манай Буряад орониие тэндэ Тимур Гомбожапов түлөөлжэ, хүрэл медальда хүртөө.
Тимур Гомбожапов хадаа 1996−1999 онуудта Буряадай уран зохёолшодой холбоондо зүбшэлэгшөөр ажаллаа. Абакан хотодо үнгэрһэн залуу уран зохёолшодой «Зүүн зүгэй һэбшээн» гэһэн хизаар хоорондын хуралдаанда амжалтатайгаар хабаадалсаа.
Уран зохёл найруулгаар Тимур эдир залууһаа һонирхожо эхилээ. Тэрээнэй олон шүлэгүүд дуунууд болоһон юм.
— Буряад ирагуу найрагай тэмсээндэ аяар 18 хүн хабаадалсаа. Манай мүрысөөн гурбан шатаһаа бүридөө, — гээд жюриин гэшүүн, хэлэ бэшэгэй эрдэмэй доктор Людмила Санжибоевна Дампилова хөөрэнэ. — Түрүүшын хоёр шатада хабаадагшад өөһэдынгөө зохёоһон шүлэг уншажа үгөө. Харин һүүлшын шатада оройдоол табан хүн оролсоо. Эндэ үлэһэн хабаадагшадта дүрбэн минута соо дүрбэн мүртэй шүлэг зохёохо гэһэн даабари үгтөө. Эгээл эндэ манай Тимур Гомбожапов ехээр яаража, гоё шүлэг зохёожо шадаагүй. Харин урдахи хоёр шатада һайнаар бэеэ харуулһан байна. Хэды тиигэбэшье тэрэ гурбадахи һуурида гараа.
Борис БАЛДАНОВ, авторай фотозураг.
Тимур Гомбожапов хадаа 1996−1999 онуудта Буряадай уран зохёолшодой холбоондо зүбшэлэгшөөр ажаллаа. Абакан хотодо үнгэрһэн залуу уран зохёолшодой «Зүүн зүгэй һэбшээн» гэһэн хизаар хоорондын хуралдаанда амжалтатайгаар хабаадалсаа.
Уран зохёл найруулгаар Тимур эдир залууһаа һонирхожо эхилээ. Тэрээнэй олон шүлэгүүд дуунууд болоһон юм.
— Буряад ирагуу найрагай тэмсээндэ аяар 18 хүн хабаадалсаа. Манай мүрысөөн гурбан шатаһаа бүридөө, — гээд жюриин гэшүүн, хэлэ бэшэгэй эрдэмэй доктор Людмила Санжибоевна Дампилова хөөрэнэ. — Түрүүшын хоёр шатада хабаадагшад өөһэдынгөө зохёоһон шүлэг уншажа үгөө. Харин һүүлшын шатада оройдоол табан хүн оролсоо. Эндэ үлэһэн хабаадагшадта дүрбэн минута соо дүрбэн мүртэй шүлэг зохёохо гэһэн даабари үгтөө. Эгээл эндэ манай Тимур Гомбожапов ехээр яаража, гоё шүлэг зохёожо шадаагүй. Харин урдахи хоёр шатада һайнаар бэеэ харуулһан байна. Хэды тиигэбэшье тэрэ гурбадахи һуурида гараа.
Борис БАЛДАНОВ, авторай фотозураг.