Буряад орономнай басагад дуу гүйсэдхэхэдөө бэрхэнүүд байһанаа дахинаа гэршэлбэ. Ойн баярта бүгэдэ буряадуудай «Алтаргана-2014» гэһэн найр нааданай эстрадна дуунай мүрысөөндэ манай нютагай басаган Мария Балданова түрүү һуурида гаража, олон тоото дуунда дуратайшуулые, аха дүүнэрөө баясуулба.
Зоригто болон Нонна Тогочиевтанай эстрадна театрай түрүү дуушан Мария Балдановада 2014 он хэды дүүрээгүйшье һаа, угаа амжалтатай байба гэхэдэ алдуу болохогүй. Май һара соо залуу дуушан анха түрүүшынхиеэ өөрын сольно концерт-наада Улаан-Үдэдэ үндэр хэмжээ ябуулгада эмхидхээ. Харин мүнөө үшөө нэгэ томо амжалта хүсэжэ ерэбэ — тэрэ «Алтаргана» гэһэн фестивальда алтан медальда хүртэбэ гээшэ. Мария Балданова тус фестивальда шэнэ дуу бэлдэжэ, арад зониие баясуулаа. «Бидэ Улаан-Үдэһөө Монгол руу июлиин 16-най үглөө гараабди. Харин һэримсээрээ Алагуйһаа дуунайнгаа аранжировка ошожо абааб. Холын харгын үедэ тэрэ шэнэ дуугаа сээжэлдэжэ, хүгжэмдөө тааруулааб. Замай ута байгаагүй һаа, бэлэдхэл хэжэ шадахагүй һэм», — гээд Мария һанамжална.
Буряадай эстрадын ододой тоодо орохын тула Мария Балданова хүнгэн бэшэ хэдэн жэлэй харгы гаталжа гараа. Өөрөө залуу дуушанай хэлэһээр, дуушанай мэргэжэлтэ харгы 2008 ондо Эрхүү хотодо болоһон «Алтаргана» нааданһаа эхилхэн намтартай.
— Минии аба Эрхүү можын Оһын аймагһаа уг гарбалтай юм. Тиимэһээ Эрхүү хотодо үнгэрэгдэһэн «Алтарганада» хабаадахадамни, нютагайм хада бурхадууд намай харалсаха бэзэ гэжэ найдаад, өөрын дураар хабадагшадай тоодо оролсоо һэм. Теэд, үшөө һайнааршье дуулажа шададаггүй басагые жюриин гэшүүд абаһаар лэ голоо ааб даа. Тэрэ гэһээр урма зоригоо хухараад ябангүй, заал һаа «Алтаргана» фестивалиин алтан медальда хүртэхэб гэжэ үгэ алдаһан байгааб, — гээд Мария Балданова хөөрэнэ.
2009 ондо Мария басаган зориһондоо хүрэжэ, Чайковскиин нэрэмжэтэ Улаан-Үдын хүгжэмэй училищида оробо. Бэрхэ дуушан багша Баир Гомбоевич Базаровай ударидалга доро дуунай оньһо шэнжэтэй танилсаа. Мэргэжэлтэ дуушан болоод гарахадань, Зоригто болон Нонна Тогочиевтанай эстрадна театр хүлеэн байба. 2013 онһоо Мария Балданова суута Гнессинануудай нэрэмжэтэ России хүгжэмэй академиин оюутан юм.
Бүхы наһаараа Мухар-Шэбэрэй аймагай Сагаан-Нуур һууринда ажаһууһан Мария Балданова багаһаа хойшо дуушан болохо һанаатай ябаа. Үшөө нэгэдэхи классай байхадаа эхин классудай һурагшадай хоорой солист байгаа. «Эгээл түрүүшынгээ тайзан дээрэ гараһаниие бэрхээр һанадагби. Ута гэгшын колпак малгай үмдэнхэй, ута хамар зүүжэ, „Буратино“ гэһэн дуу гүйсэдхөөб. Харин минии хойноһоо 30 гаран хүбүүд, басагад байгаа бэлэй. Харин мүнөө айһанаашье, болиһоноошье мэдэнэгүйб даа», — гээд «Алтарганын» фестивалии алтан медаль абагша һанан энеэбхилнэ.
Буряадайнгаа эстрадада ялас гэмэ амжалта туйлахыень Мария Балдановада хүсэе.
Борис БАЛДАНОВ, «Вконтакте» бүлгэм соохи фотозураг.
Зоригто болон Нонна Тогочиевтанай эстрадна театрай түрүү дуушан Мария Балдановада 2014 он хэды дүүрээгүйшье һаа, угаа амжалтатай байба гэхэдэ алдуу болохогүй. Май һара соо залуу дуушан анха түрүүшынхиеэ өөрын сольно концерт-наада Улаан-Үдэдэ үндэр хэмжээ ябуулгада эмхидхээ. Харин мүнөө үшөө нэгэ томо амжалта хүсэжэ ерэбэ — тэрэ «Алтаргана» гэһэн фестивальда алтан медальда хүртэбэ гээшэ. Мария Балданова тус фестивальда шэнэ дуу бэлдэжэ, арад зониие баясуулаа. «Бидэ Улаан-Үдэһөө Монгол руу июлиин 16-най үглөө гараабди. Харин һэримсээрээ Алагуйһаа дуунайнгаа аранжировка ошожо абааб. Холын харгын үедэ тэрэ шэнэ дуугаа сээжэлдэжэ, хүгжэмдөө тааруулааб. Замай ута байгаагүй һаа, бэлэдхэл хэжэ шадахагүй һэм», — гээд Мария һанамжална.
Буряадай эстрадын ододой тоодо орохын тула Мария Балданова хүнгэн бэшэ хэдэн жэлэй харгы гаталжа гараа. Өөрөө залуу дуушанай хэлэһээр, дуушанай мэргэжэлтэ харгы 2008 ондо Эрхүү хотодо болоһон «Алтаргана» нааданһаа эхилхэн намтартай.
— Минии аба Эрхүү можын Оһын аймагһаа уг гарбалтай юм. Тиимэһээ Эрхүү хотодо үнгэрэгдэһэн «Алтарганада» хабаадахадамни, нютагайм хада бурхадууд намай харалсаха бэзэ гэжэ найдаад, өөрын дураар хабадагшадай тоодо оролсоо һэм. Теэд, үшөө һайнааршье дуулажа шададаггүй басагые жюриин гэшүүд абаһаар лэ голоо ааб даа. Тэрэ гэһээр урма зоригоо хухараад ябангүй, заал һаа «Алтаргана» фестивалиин алтан медальда хүртэхэб гэжэ үгэ алдаһан байгааб, — гээд Мария Балданова хөөрэнэ.
2009 ондо Мария басаган зориһондоо хүрэжэ, Чайковскиин нэрэмжэтэ Улаан-Үдын хүгжэмэй училищида оробо. Бэрхэ дуушан багша Баир Гомбоевич Базаровай ударидалга доро дуунай оньһо шэнжэтэй танилсаа. Мэргэжэлтэ дуушан болоод гарахадань, Зоригто болон Нонна Тогочиевтанай эстрадна театр хүлеэн байба. 2013 онһоо Мария Балданова суута Гнессинануудай нэрэмжэтэ России хүгжэмэй академиин оюутан юм.
Бүхы наһаараа Мухар-Шэбэрэй аймагай Сагаан-Нуур һууринда ажаһууһан Мария Балданова багаһаа хойшо дуушан болохо һанаатай ябаа. Үшөө нэгэдэхи классай байхадаа эхин классудай һурагшадай хоорой солист байгаа. «Эгээл түрүүшынгээ тайзан дээрэ гараһаниие бэрхээр һанадагби. Ута гэгшын колпак малгай үмдэнхэй, ута хамар зүүжэ, „Буратино“ гэһэн дуу гүйсэдхөөб. Харин минии хойноһоо 30 гаран хүбүүд, басагад байгаа бэлэй. Харин мүнөө айһанаашье, болиһоноошье мэдэнэгүйб даа», — гээд «Алтарганын» фестивалии алтан медаль абагша һанан энеэбхилнэ.
Буряадайнгаа эстрадада ялас гэмэ амжалта туйлахыень Мария Балдановада хүсэе.
Борис БАЛДАНОВ, «Вконтакте» бүлгэм соохи фотозураг.