Эрхүү хотодо үнгэрһэн бүгэдэ буряадуудай «Алтаргана-2008» нааданда Зүүн Сибириин гүр энэй технологическа университедэй 4-дэхи курсын оюутан Жалма Цыденова «Дангина» гэһэн нэрэ зэргэдэ хуртэбэ. 35 эгээл гоё сэбэр басагадай хабаадалганай энэ конкурс «Алтарганын» эгээл һонирхолтой, арюун сэбэр мүрысөөнүүдэй нэгэн боложо үгөө.
«Дангина» гэһэн мүрысеөн Шелехов хотодо «Металлург» гэһэн соёлой ордон соо эмхидхэгдээ. Аргагүй томо энэ ордон гоёор досоогоо шэмэглэгдэнхэй, хүнэй амарха одоошье таатай байра юм. Тус ордон
Эрхүүгэй можодо эгээл һаруул томо гэжэ тоологдоно.
Мэдээжэ модель, Ныо-Йоркдо ажаһуудаг Ирина Пантаева конкурсые мүн лэ шэмэглээ. Тэрэ жюрин гэшүүдэй түрүүлэгшэ боложо эндэ буугаа. Карл
Лагерфельдын эгээл дуратай модель Ирина Пантаева Эрхүү хото дүрбэн наһатай хүбүүтэеэ ерээ. Басагаяа, зээ хүбүүгээ харахаяа түрэлхидынь Шелехов ошоо. Хахад нюргыень хушаһан гоё хара торгон плати үмдэнхэй Иринын хун зоной дунда ябахадань эли байгаа. Дала дээрэнь зурагдаһан бүргэд бүри гайхуулаа. «Буряад хубсаһатай басагадые харахадаа, ехэ баярланаб. Тиигэжэ үшөө залуудаа „Мисс Улаан-Үдэ“ гэһэн конкурсдо хабаадаһанаа һанажархёоб», — гээд, Ирина манай корреспондентдэ хэлээдхинэ.
— «Молодые голоса со всего мира» гэһэн фильм буулгажа, режиссер болоод хүдэлнэб. һүүлэй үедэ дэлхэй дээрэ боложо байһан элдэбын муу тодхортой ябадал харуулха һанаатайб. Мүнөөнэй залуушуул оршон
байгаалияа хамгаална, дайн болохогүйн түлөө тэмсэнэ, түргөөр боложо байһан дулаан һанаа ехэтэ зобооно. Эдэ бугэдые фильм соогоо харуулхаб. Тиихэдэ харалгануудтаа хабаадаһан зандааб. Буряад нютагайнгаа зондо амар мэндые хургэнэб, — гээд, Ирина Пантаева хөөрэнэ.
Конкурсдо хабаадаһан басагад дүрбэн шата дабажа гараха байгаа. «Минии нютаг» гэһэн шатада өөрыгөө танилсуулхаһаа гадна, түрэл айлшадые һонирхолтойгоор урилга хэхэ даабари үгтөө. Хоёрдохи шата «Сэдьхэлэйм аялга» гэжэ нэрлэгдээ, эндэ эстрадна дуу хабаадагшад
хангюурдаа. Удаадахи шата хатарда зорюулагдаа. Харин һүүлшын шатада басагад үдэшын плати, буряадай арадай хубсаһа, гоё прическоо харуулаа.
Конкурсын гуримаар шата бүхэнэй һүүлээр «Дангина» болохо дуратайшуулай тоо үсөөржэл байгаа. Хэды тиигэбэшье һүүлшын шатада булта басагад гаража, өөрынгөө бэлдэһэн плати, хубсаһа сугларагшадта
дурадхаа. Тэрэ үедэ оройдоол 15-ниинь финалда ороһон байна. Эгээл эдээн сооһоо «Дангина» элирүүлэгдэхэ юм.
Бүхы дээрээ энэ конкурсдо 35 басагад хабаадалсаа. Монгол, Москва, Санкт-Петербург, Томск, Новосибирск, Эрхүү хотонуудые, Усть-Ордагай зургаан аймагые, Буряадай 12 аймагые болон Агын тойрогой түлөөлэгшэд «Дангина» боложо тэмсээ.
Тиигэжэ гурбадахи шатын дипломоор Усть-Ордынск һуури түлөөлһэн Ольга Балхаснаева урмашуулагдаа. 2007 оной Улаан-Удэ хотын вице-мисснэрэ зэргэтэй Сэсэг Жамсаранова хоёрдохи шатын дипломдо хуртөө. Хэжэнгын аймагай Могсохон һууринһаа уг гарбалтай Улаан-Удын залуушуулай эмхинүүдэй нэгэдэлэй түлөөлэгшэ Аюна Доржиева нэгэдэхи шатын диплом абажа шадаа. Тиигэжэ Гран-придэ Жалма Цыденова хүртөө.
Минин хараад үзэхэдэ, тус конкурсдо Жалма бултанһаа үлүү байгаа. «Намилзаһан хара торгон тугтай Борын Данжуурай, Гэндэнэй Цэдэнэй хүсэ дүүрэн дүршэлтэй, мэргэжэлтэй дуугай даруухан зантай Жалма басаган гээшэб», — гээд өөрыгөө Жалма танилсуулаа һэн. Конкурсдо хабаадагшадай дундаһа эгээл хонгёо хоолойтой Жалма байшоо. Мүн хатарайнь ху6саһан бусадһаа гоё байһыень хэлэхээр. Теэд иимэ гоё хатарай костюмтай хүн хатарангүй яалай.
Жалма Цыденова Агын тойрогой Дулдаргын аймагай Үзөөн һууринһаа уг гарбалтай юм. Дэлхэй дээрэ хэды олон һайхан басагадые тоолошогүй, хари Агын басагад тэдээн сооһоо гоё сэбэрээрээ илгараад лэ гаралсаа
Борис БАЛДАНОВ,
Авторай фото-зурагууд.
«Дангина» гэһэн мүрысеөн Шелехов хотодо «Металлург» гэһэн соёлой ордон соо эмхидхэгдээ. Аргагүй томо энэ ордон гоёор досоогоо шэмэглэгдэнхэй, хүнэй амарха одоошье таатай байра юм. Тус ордон
Эрхүүгэй можодо эгээл һаруул томо гэжэ тоологдоно.
Мэдээжэ модель, Ныо-Йоркдо ажаһуудаг Ирина Пантаева конкурсые мүн лэ шэмэглээ. Тэрэ жюрин гэшүүдэй түрүүлэгшэ боложо эндэ буугаа. Карл
Лагерфельдын эгээл дуратай модель Ирина Пантаева Эрхүү хото дүрбэн наһатай хүбүүтэеэ ерээ. Басагаяа, зээ хүбүүгээ харахаяа түрэлхидынь Шелехов ошоо. Хахад нюргыень хушаһан гоё хара торгон плати үмдэнхэй Иринын хун зоной дунда ябахадань эли байгаа. Дала дээрэнь зурагдаһан бүргэд бүри гайхуулаа. «Буряад хубсаһатай басагадые харахадаа, ехэ баярланаб. Тиигэжэ үшөө залуудаа „Мисс Улаан-Үдэ“ гэһэн конкурсдо хабаадаһанаа һанажархёоб», — гээд, Ирина манай корреспондентдэ хэлээдхинэ.
— «Молодые голоса со всего мира» гэһэн фильм буулгажа, режиссер болоод хүдэлнэб. һүүлэй үедэ дэлхэй дээрэ боложо байһан элдэбын муу тодхортой ябадал харуулха һанаатайб. Мүнөөнэй залуушуул оршон
байгаалияа хамгаална, дайн болохогүйн түлөө тэмсэнэ, түргөөр боложо байһан дулаан һанаа ехэтэ зобооно. Эдэ бугэдые фильм соогоо харуулхаб. Тиихэдэ харалгануудтаа хабаадаһан зандааб. Буряад нютагайнгаа зондо амар мэндые хургэнэб, — гээд, Ирина Пантаева хөөрэнэ.
Конкурсдо хабаадаһан басагад дүрбэн шата дабажа гараха байгаа. «Минии нютаг» гэһэн шатада өөрыгөө танилсуулхаһаа гадна, түрэл айлшадые һонирхолтойгоор урилга хэхэ даабари үгтөө. Хоёрдохи шата «Сэдьхэлэйм аялга» гэжэ нэрлэгдээ, эндэ эстрадна дуу хабаадагшад
хангюурдаа. Удаадахи шата хатарда зорюулагдаа. Харин һүүлшын шатада басагад үдэшын плати, буряадай арадай хубсаһа, гоё прическоо харуулаа.
Конкурсын гуримаар шата бүхэнэй һүүлээр «Дангина» болохо дуратайшуулай тоо үсөөржэл байгаа. Хэды тиигэбэшье һүүлшын шатада булта басагад гаража, өөрынгөө бэлдэһэн плати, хубсаһа сугларагшадта
дурадхаа. Тэрэ үедэ оройдоол 15-ниинь финалда ороһон байна. Эгээл эдээн сооһоо «Дангина» элирүүлэгдэхэ юм.
Бүхы дээрээ энэ конкурсдо 35 басагад хабаадалсаа. Монгол, Москва, Санкт-Петербург, Томск, Новосибирск, Эрхүү хотонуудые, Усть-Ордагай зургаан аймагые, Буряадай 12 аймагые болон Агын тойрогой түлөөлэгшэд «Дангина» боложо тэмсээ.
Тиигэжэ гурбадахи шатын дипломоор Усть-Ордынск һуури түлөөлһэн Ольга Балхаснаева урмашуулагдаа. 2007 оной Улаан-Удэ хотын вице-мисснэрэ зэргэтэй Сэсэг Жамсаранова хоёрдохи шатын дипломдо хуртөө. Хэжэнгын аймагай Могсохон һууринһаа уг гарбалтай Улаан-Удын залуушуулай эмхинүүдэй нэгэдэлэй түлөөлэгшэ Аюна Доржиева нэгэдэхи шатын диплом абажа шадаа. Тиигэжэ Гран-придэ Жалма Цыденова хүртөө.
Минин хараад үзэхэдэ, тус конкурсдо Жалма бултанһаа үлүү байгаа. «Намилзаһан хара торгон тугтай Борын Данжуурай, Гэндэнэй Цэдэнэй хүсэ дүүрэн дүршэлтэй, мэргэжэлтэй дуугай даруухан зантай Жалма басаган гээшэб», — гээд өөрыгөө Жалма танилсуулаа һэн. Конкурсдо хабаадагшадай дундаһа эгээл хонгёо хоолойтой Жалма байшоо. Мүн хатарайнь ху6саһан бусадһаа гоё байһыень хэлэхээр. Теэд иимэ гоё хатарай костюмтай хүн хатарангүй яалай.
Жалма Цыденова Агын тойрогой Дулдаргын аймагай Үзөөн һууринһаа уг гарбалтай юм. Дэлхэй дээрэ хэды олон һайхан басагадые тоолошогүй, хари Агын басагад тэдээн сооһоо гоё сэбэрээрээ илгараад лэ гаралсаа
Борис БАЛДАНОВ,
Авторай фото-зурагууд.